Guggisberglied
-
's isch äben e Mönsch uf Ärde – Simelibärg!
– Und ds Vreneli ab em Guggisbärg und ds Simes Hans–Joggeli änet em Bärg –
s isch äben e Mönsch uf Ärde, won i möcht by–n ihm sy.
-
U stirbe–n i vor Chummer – Simelibärg!
– Und ds Vreneli ....
U stirbe–n i vor Chummer, so leit me mi y ds Grab.
-
Dört unde i der Tiefi – Simelibärg!
– Und ds Vreneli ....
Dört unde i der Tiefi, da steit es Mülirad.
-
Das mahlet nüt als Liebi – Simelibärg!
– Und ds Vreneli ....
Das mahlet nüt als Liebi, die Nacht und auch den Tag.
Trad. arr. M. Lincke - D. Marfurt
Liechtli
- Gsehsch Du das Liechtli ufem dunkle See
uf dr ganze Ärdä gits keis angers meh
s hett früecher meh gha u dr See hett glüchtet
bis dr Sturm isch choo, är hett se mit sich gnoh.
- Drum lah n üs wach sy ir dunkle Nacht
dass dr Sturm vom Norde keni Wälle macht
we ds Liechtli furt wär wes würd vrlösche
niemer uf dere Wäut würd meh öppis gseh.
- Für jedes Liechtli hetts es Lache gäh
u jedes Lache hett me ghört ufem See
für alli Mönsche uf dr Ärdä
sötts es Liechtli gäh zum ne d Schwäri näh.
- Drum trag das Liechtli töif i dim Härz
zeig dr Wäut dis Lache dini Liebi di Schmärz
für alli Mönsche wo hei d Fröid vrlore
sötts es Liechtli gäh uf em dunkle See
M. Wild - C. Lauterburg, arr. C. Lauterburg - M. Lincke)
Sternli
- Wänns Aabigglöggli isch verklunge
versinkt au hindrem Berg gli d‘Sunne,
und d‘Wält wird plötzli müüslistille,
doch s‘Härz sinnt sine Träume nah.
Ref. Am Himmel staht es Sternli z‘nacht im grosse Sternemeer.
Und wänn is gseh spät i dr Nacht, dänn wär i gern bi dir!
Duliho, ja duliho, Wo magsch du wohl si
Duliho, ja duliho, Dänksch du na a mi?
- Ich dänk a dich min Schatz und plange,
dass Zyt isch äntli umegange,
ich frag nach dir die tuusig Sternli,
ob du mich nüd vergässe tuesch.
Ref. Am Himmel staht es Sternli z‘nacht im grosse Sternemeer.
Und wänn is gseh spät i dr Nacht, dänn wär i gern bi dir!
Duliho, ja duliho, Wo magsch du wohl si
Duliho, ja duliho, Dänksch du na a mi?
A. Beul arr. C. Lauterburg - D. Marfurt
Hiasls G'stanzln
Waunst ma an sakrischn Landla aufschlogst,
oft deafst amoi kemman an an Samstog auf‘d Nocht.
Gestan und heit, hot die Sunn so schen gscheint,
und hot nia so schen gscheint als wia gestan und heit.
Trad. arr. M. Härtel / Text: M. Härtel
Hans gib acht
- Hans gib acht, dassd nid ertrohlisch
wennd id Edelwyss wosch gah
i wüsst nid, was ig uf Ärdä
ohni Dy no sött afaa
- Eisi tue doch nid so angschte
Du weisch ja- i kenne d Flueh
i wott Dir am nächschte Samschte
Blueme vor Dys Fäischter tue
- I däm schmale Fluehband inne
hetts die schönschte Edelwyss
fräch tuet diä dr Hansli gwinne
schwingt dr Huet u juzzet iis
- U de gly am nächschte Samschte
xeesch de Eisi am Fäischter stah
luegt chli use- xeet vo Wytem
Vatter Ärnscht itz necher choo
- I de starche Händ vom Vatter
ligt am Hans sy Huet ällei
randvoll gfüllt mit wysse Blueme
Edelwyss für Eisi Frei
C. Lauterburg - M. Lincke, arr. C. Lauterburg - M. Lincke / Text: J. Ummel - C. Lauterburg
Chirscheli
- wenn I so schön wär wie nes Chirschi im Loub
so wär o mini Muetter nid gar eso toub
nid gar eso toub, willi alt worde bi
u muess bis a Tod hi ä Jumpfere sy!
- wenn Eini so schön isch wiene Öpfel am Ascht
so chöme alli Buebe wie Beieli fascht
wie Beieli fascht, ufe Zucker und Schläck
u trage se wie Hung ines Hüsli äwäg!
- wenn I so rych wär wie dr Chünig vo Paris
de bruchti keis Chirschi, keis Öpfeli z sy
keis Öpfeli z sy u ke Zucker und Schläck,
ane Rychi göh d Buebe wie d Müüsli a Späck!
Trad. arr. D. Marfurt
Summer
- äs Ährifäld im Summertroum
es Meislilied im Öpfelboum
vom Chilchli här dr Stundeschlag
voll Säge isch dr Summertag
- e blaue Himmel luegt id Wält
dr Flyss erwachet ufem Fäld
di erschte Beeri ryf im Hag
voll Säge isch dr Summertag
- di erschte Garbe i dr Schüür
Gott bhüet üs D Ärn vor Blitz und Füür
bisch z fride und vrgiss dy Chlag
voll Wunder isch dr Summertag
C. Lauterburg arr. M. Lincke / Text: E. Sommer
Juzz'n Blues
Immer wider wirdi gfragt - warum üsi Musig nid am Radio louft
auso bini dr Sach nache - ha bim Radio aaglütte
dört bini vo eim Sändegfäss zum nächschte wytergleitet worde
u ändlech bi SWISS MUSIC glandet
Dr jung Herr bi SWISS MUSIC isch sehr nätt xi
isch go nacheluege u hett du xeit - mini Musig syg z exotisch
i singe bärndütsch u tue jodle u das söu für swiss music z exotisch sy???
da channi nümm mitrede u ha dänkt - de blybi haut so guet wie unbekannt
so guet wie unbekannt-- so guet --- wie unbekannt.....
C. Lauterburg - D. Marfurt / Text: C. Lauterburg
Üse Hüeterbueb
- Was hoopet u chrooset dürs Täli us
was isch für nes jutze u bälle?
Dr Hüeterbueb isch es er trybt dr düruf
är chlepft mit dr Geisle zum Schälle
- Dr Trieberhund het ihm die Waar binand
däm lüchtet o d Fröid us de Ouge
hüt si si halt Meischter u hei halt es Amt
u z Schönschte si bruche nüt z folge
- So triebt er am Morge di Chüe uf d Weid
u blybt bis am Abe verusse
tuet gärn e chli schlingle u laht se allei
geit öppe de Heeg na gah nusse
J. Ummel arr. S. Dettwiler
Vom Baum lernen
vom Baum lernen
der jeden Tag neu
sommers und winters
niemanden überzeugt
nichts herstellt
einmal werden die Bäume die Lehrer sein
das Wasser wird trinkbar
und das Lob so leise wie der Wind an einem Septembermorgen
C. Lauterburg - D. Marfurt / Text: Dorothee Sölle
|
